काव्य घर

पूर्वसांसद हर्कमानको जीवनीमा ‘उपद्रष्टा हर्कमान तामाङ’

पूर्वसांसद हर्कमान तामाङको जीवनीमा आधारित रहेर पुस्तक ‘उपद्रष्टा हर्कमान तामाङ’ कृति प्रकाशित भएको छ । कृति साहित्यकार पत्रकार केशु बिरहीले तयारी गरि बिमोचन गराएका हुन

nepalborderadminnepalborderadmin
Feb 19, 2025 - 21:05
Feb 19, 2025 - 21:15
 0  18
पूर्वसांसद हर्कमानको जीवनीमा ‘उपद्रष्टा हर्कमान तामाङ’
राजकुमार खड्गा

मोरङ, फागुन ७, २०८१,राजकुमार खड्गा/ नेपाल बोर्डर- पूर्वसांसद हर्कमान तामाङको जीवनीमा आधारित रहेर पुस्तक ‘उपद्रष्टा हर्कमान तामाङ’ प्रकाशित भएको छ । Laxmi Bank तीन पटकसम्म चुनाव जितेपनि सामान्य जीवन बिताइरहेका तामाङका बारेमा साहित्यकार केशु विरहीले यो पुस्तक लेखेका हुन् । पुस्तकको बुधबार बेलबारीमा लोकार्पण गरिएको छ । 

विरहीले तामाङलाई राजनीतिक, शैक्षिक, सामाजिक तथा सांस्कृतिक व्यक्तित्व भनेर पुस्तकमा थप चिनाएका छन् । विरहीका अनुसार ‘उपद्रष्टा हर्कमान तामाङ’ अनुसन्धानपरक (शोधमूलक) कृति हो । अग्रज स्रष्टा तामाङको जीवनीलाई आधार बनाएर उक्त पुस्तक तयार गरिएको विरहीले बताए ।

तामाङका बारेका तयार पारेको पुस्तकको बिक्रीबाट प्राप्त भएको कम्तीमा ५० प्रतिशत रकमले बेलबारी बहुमुखी क्याम्पसमा एउटा अनुसन्धान अक्षयकोष निर्माण गर्ने र यसबाट प्राप्त ब्याजबापतको रकमबाट अनुसन्धानका क्षेत्रमा काम गर्ने व्यक्तिलाई पुरस्कृत गर्ने विरहीले बताए । उनले पहिलो चरणमा बेलबारी बहुमुखी क्याम्पसमा अक्षयकोष स्थापना गर्ने र त्यसको ब्याजबाट अनुसन्धान गर्ने कम्तीमा एक जना विद्यार्थीलाई पुरस्कृत गरिने र दोस्रो चरणमा भने राष्ट्रियस्तरका अनुसन्धातालाई पुरस्कृत गर्ने गरी कोष तयार पारिने बताए ।

राजनीतिक रूपमा सफल भएपनि पारिवारिक रूपमा भोग्नु परेका समस्याका बारेमा समेत पुस्तकमा उल्लेख गरिएको विरहीले बताए । २००८ साउन २५ गते भोजपुरको बोखिममा जन्मेका तामाङको बाल्यकाल भारतमा बित्यो । उनले पढ्दै राजनीति शुरू गरेका थिए । दार्जिलिङमा बसेर राजनीतिक चासो लिएर उनले विद्यार्थी राजनीति गरेका थिए । पञ्चायती व्यवस्था भएकाले राजनीति गर्न सजिलो थिएन ।

 तामाङले जीविकोपार्जनका लागि ट्युसन पढाउने गर्थे । नेपालमा खुला राजनीति प्रतिबन्ध भएका बेला उनले सुनसरीको धरानबाट राजनीतिक यात्रा तय गरेका थिए ।

 तामाङले २०४८, २०५६ सालको आमनिर्वाचन र २०५१ सालको उपनिर्वाचनमा मोरङको साविक ४ नम्बर क्षेत्रबाट चुनाव जितेका थिए । केशु बिरहीको यस अगाडिको कृतिहरु पनि सफल भएको र यो कृति पनि सफल हुने अधिकांश बक्ताहरुले बताएका थिए।बिरहीको आगामी कृति समेत चाडै आउने उनले बताए ।

कार्यक्रममा उपद्रष्टा हर्कमान तामाङले आफुले यस अघि सम्मानको नाउँमा अपमान समेत सहनु परेको गुनासो राख्दै भावुक समेत भएका थिए। कार्यक्रममा मोरङ सुन्सरी झापा देखिका सयौंको संख्यामा कवि लेखक पत्रकार समाजसेवी शिक्षक बिद्यार्थी एवं ब्यापारीहरु समेतको बाक्लो उपस्थिति रहेको थियो । क्यामप्स प्रमुख भुपेन्द्र कोइरालाले स्वागत मन्तव्य राख्नु भएको कार्यक्रमको संचालक नबराज पोख्रेल नवशिला र कार्यक्रमको सभापतित्व आयोजक सस्थाका अध्यक्ष रमेश निरौलाले गरेका थिए ।

Tags:

Previous Article

‘सपनीमा नआऊ तिमी ’गीत लोकार्पित

Next Article

मदनदास श्रेष्ठलाई लाइभ टाइम अचिभमेन्ट अवार्ड मिस नेवामा प्रलिशा शाक्य

What's Your Reaction?

like

dislike

love

funny

angry

sad

wow

nepalborderadmin
nepalborderadmin

Related Posts

अभिनव साहित्यको २३ औँ साधारसभा, २७० औ कवि गोष्ठी र तीज साहित्य विशेष समारोह

अभिनव साहित्यको २३ औँ साधारसभा, २७० औ कवि गोष्ठी र तीज ...

नेपालबोर्डर अनलाइन... Aug 11, 2024  0  16

प्रधानमन्त्रीद्धारा बिडारी र खड्काको ‘आमसञ्चारको परिचय’ विमोचन

प्रधानमन्त्रीद्धारा बिडारी र खड्काको ‘आमसञ्चारको परिचय’...

नेपालबोर्डर अनलाइन... May 3, 2024  0  11

रेणुकाको ‘मञ्जरी’, विधवा विबाहको विषयमा सामाजिक बहस छेडेको काव्य हो । –खेमराज पोखरेल

रेणुकाको ‘मञ्जरी’, विधवा विबाहको विषयमा सामाजिक बहस छेड...

नेपालबोर्डर अनलाइन... Aug 16, 2024  0  70